Childhood - Gulshan

ਮੇਰਾ ਬਚਪਨ ਬਹੁਤ ਚੰਗਾ ਸੀ। ਮੈਨੂੰ ਯਾਦ ਹੈ ਕਿ ਮੈਂ ਬਹੁਤ ਵੀਡੀਓ ਖੇਡਾਂ ਖੇਡਦਾ ਹੁੰਦਾ ਸੀ ਅਤੇ ਬਹੁਤ ਸ਼ਰਾਰਤੀ ਵੀ ਸੀ। ਮੇਰੇ ਕੋਲ ਬਹੁਤ ਸਾਰੀਆਂ ਵੀਡੀਓ ਖੇਡਾਂ ਸਨ, ਜਿਵੈਂ ਕਿ ਨਿਨਟਨਡੋ, ਪਲੇਸਟੇਸ਼ਨ, ਅਤੇ ਗੇਮਬੋਏ। ਮੇਰੀ ਮਨਪਸੰਦ ਖੇਡ Super Mario 64 ਸੀ। ਮੈਂ ਇਹ ਖੇਡ ਆਪਣੇ ਪਿਤਾ ਜੀ ਦੇ ਨਾਲ ਬਹੁਤ ਖੇਡਦਾ ਸੀ। ਵੀਡੀਓ ਖੇਡਾਂ ਤੋਂ ਇਲਾਵਾ, ਮੈਂ ਆਪਣੇ ਦੋਸਤਾਂ ਨਾਲ ਹੋਰ ਕਈ ਖੇਡਾਂ ਵੀ ਖੇਡਦਾ ਸੀ। ਮੈਂ ਉਹਨਾਂ ਦੇ ਘਰ ਜਾ ਕੇ ਰਾਤ ਵਾਸਤੇ ਰਹਿੰਦਾ ਸੀ। ਮੇਰਾ ਪਰਿਵਾਰ ਹਰ ਸ਼ਨੀਵਾਰ ਅਤੇ ਐਤਵਾਰ ਗੁਰਦੁਆਰਾ ਜਾਂਦਾ ਸੀ। ਸ਼ਨੀਵਾਰ ਨੂੰ ਪੰਜਾਬੀ ਕਲਾਸ ਹੁੰਦੀ ਸੀ। ਮੈਨੂੰ ਪੰਜਾਬੀ ਕਲਾਸ ਪਸੰਦ ਨਹੀਂ ਸੀ ਕਿਉਂਕਿ ਬਹੁਤ ਕੰਮ ਸੀ ਪਰ ਮੈਂ ਕੁਝ ਪੰਜਾਬੀ ਸਿਖਿਆ ਸੀ। ਐਤਵਾਰ ਨੂੰ ਕੀਰਤਨ ਹੁੰਦਾ ਸੀ। ਮੈਂ ਕਦੀ ਕਦੀ ਗੁਰਦੁਆਰੇ ਕੀਰਤਨ ਕਰਦਾ ਸੀ। ਕੀਰਤਨ ਤੋਂ ਬਾਅਦ ਮੈਂ ਆਪਣੇ ਦੋਸਤਾਂ ਨੂੰ ਮਿਲਦਾ ਸੀ। ਜਦੋਂ ਤਕ ਸਾਡੇ ਮਾਪੇ ਘਰ ਜਾਣ ਵਾਸਤੇ ਤਿਆਰ ਨਹੀਂ ਸੀ, ਉਦੋਂ ਤਕ ਅਸੀਂ ਬਾਹਰ ਜਾ ਕੇ ਫੁਟਬਾਲ ਤੇ ਬੈਸਕਟਬਾਲ ਖੇਡਦੇ ਸੀ। ਜਦੋਂ ਮੈਂ ਛੋਟਾ ਸੀ, ਮੈਨੂੰ ਸਕੂਲ ਵੀ ਬਹੁਤ ਪਸੰਦ ਸੀ। ਮੇਰੇ ਮਨਪਸੰਦ ਵਿਸ਼ੇ ਗਣਿਤ ਅਤੇ ਵਿਗਿਆਨ ਸੀ, ਕਿਉਂਕਿ ਮੈਂ ਇਹਨਾ ਵਿਸ਼ਿਆ ਵਿੱਚ ਬਹੁਤ ਚੰਗਾ ਸੀ। ਸਕੂਲ ਵਿੱਚ ਅਸੀਂ ਬਹੁਤ ਚੰਗੀਆ ਕਿਤਾਬਾਂ ਪੜ੍ਹਦੇ ਸੀ ਅਤੇ ਜਿਮਨੇਜ਼ੀਅਮ ਵਿੱਚ ਬਹੁਤ ਮਜੇਦਾਰ ਖੇਡਾਂ ਖੇਡਦੇ ਸੀ। ਇਸ ਕਰਕੇ ਮੇਰਾ ਬਚਪਨ ਬਹੁਤ ਚੰਗਾ ਸੀ।